Euskal musika

Itziarren bi bando egon izan omen dira beti; Plazan, erromeria entzuten zutenak, eta gaztetxean, Txitxarro dantzalekuko teknoa dantzatzen zutenak. Berak biak izan ditu gustuko. Hortik datorkio antza Süne trikitixa eta musika elektronikoa uztartzen dituen proiektuko kantak egiteko inspirazioa.

Ibon Rodriguez musikariak 'Iaquin vahu' lana argitaratu du, euskaraz inprimatutako lehenengo liburuko poemak oinarri hartuta. Itxaro Bordaren laguntza izan du zeregin horretan. Diskoan ahotsa du ardatza, eta hortik abiatuta gehitu ditu instrumentuak.

Tolosar artistak 'YUCA' izeneko EPa aurkeztu digu Behekaldean, abestien 'mash up' batekin.

BIME Bogotak munduko musika-industriako 2.000 profesional baino gehiago biltzen ditu, tartean, euskal artista batzuk. Aurten Gorka Urbizuk eta Izarok aurkeztu dituzte euren diskoak.

"Itsas alboka" Gorka Hermosak sortutako kanta eskaini digute, zuzenean, Hermosak akordeoiarekin eta Garikoitz Mendizabalek txistuarekin.

'Sustraien matxinada' emanaldia aurkeztu digute Gorka Hermosa akordeoilariak eta Garikoitz Mendizabal txistulariak "Biba Zuek!" saioan. Beste hainbat artistarekin batera partekatu dute agertokia biran zehar.

Lilo seikote nafarreko lau kide "Biba Zuek!" saioan izan dira. Diotenez, zenbait generorekin jolastea gustatzen zaie. Bereaienean pop musika nabarmentzen den arren, rocka, countrya folka edo indiea bezalako generoekin jostatzen aritzen dira.

Mixel Ducau eta Anje Duhalde, euskal rockaren aitzindariak, oholtzara igo dira berriro, puntako musikariekin batera, goraino bete den Bilboko Euskalduna jauregian. Mende erdiko ibilbide musikal, sozial eta politikoa, belarri eta begietatik, bihotzeraino.

"Lau hamarkadaz zentsurari aurre egiten" lelopean, bi kontzertu eskainiko ditu Fermin Muguruzak abenduan, Bilbon. Musikariak gogora ekarri du urteotan jasotako jazarpena, Galindo jeneralaren salaketa, heriotz-mehatxuak, boikota, 'Egunkari'ari babesa eskaini zionekoa, Valentziako muralaren afera…

'Negu Gorri' izeneko diskoa atera berritan, LPari izena ematen dion abestia jo digute zuzenean J Martinako kideek, Behekaldean.

Ander Zubillagak hamar urte daramatza musikaz bizitzen irakasle bezala, eta baita Euskal Herriko musikari ospetsuekin kolaboratzen ere. 2023ko abenduan bere lehen bakarkako lana argitaratu zuen: "Itsasoan elurra".

Taldearen 20 urteko ibilbidea ospatzeko, munduko bira egiten ari da Korrontzi taldea, eta Oinkari dantza taldea beraiekin izango da bertan. Agus Barandiaranek dioenez, trikitixa irekitzen denean jendea dantzan hasten da dauden munduko herrialdean daudela. Euskal kulturaren erakusleiho dira munduan.

Korrontziren 20. urteko ibilbidea dela eta, munduan zehar bira egiten ari da taldea Oinkari dantza taldearekin batera. Ikuskizuneko pieza bat, 'Laja badoa' balsa, eskaini digute zuzenean Agus Barandiaran trikitilariak eta Mattin Etxebeste eta Onditz Esnaola dantzariek.

Jabier Muguruza musikari irundarrak 'Lagun batek esan dit', kaleratu berri duen diskoa, aurkeztu digu. Iñaki Irazu poetak idatzitako abestiez osatu du Muguruzak bere diskoa. Hurrengo kontzertua Donostian maiatzaren 3an emango du.

Kontxi Irizar Alan Griffin musikaria zenaren bikotekideak dioenez, Pio Barojaren inguruko doktoretza egiten ari zela Donostiara etorri zen uda igarotzera eta asko gustatu zitzaion. Irlandarekiko parekotasunak eta folkloreak harrapatu zuten. Oso irlandarra izan arren, ez zen kanpotar sentitzen.

Maiatzean ehun urte beteko direnez Nestor Basterretxea jaio zela, egun berezia eskaini diote gaur. Goizean hasita, elkarrekin aritu dira Urdaibaiko kantu-taldeak, kalez kale, abestiz bazterrak alaitzen, haren eskulturetan geldialdiak eginez.

61 urte bete dituen egunean, oparia jaso beharrean, zaleei egin die oparia Fermin Muguruza musikari irundarrak. Abenduaren 20an Bilbon kontzertua emango duela iragarri du, eta Kortatu eta Negu Gorriaken abestiekin hasi, eta bere ibilbide osoari egingo dio errepasoa.