Sukaldari lanetan aritu da Albina Stardust Donostiako Garraxi tabernan. Aza entsalada beganoa prestatu du Idoia Garciarekin batera. Egunero plater desberdinak prestatzen dituzte Garraxin, barazkijaleentzat eta beganoentzat aukera oso zabala baitago.

Igone Ugarte familiako hirugarren belaunaldia da bizartegia zuzentzen; Oñatin dauka Igone Barbeixia. Dioenez, oso emakume bizargin gutxi daude; normalean, emakumeentzako ile-apaindegiak izaten dituzte, eta gizonei ere mozten diete ilea. Bezero fidelak ditu.

Ilea inspirazio iturri eta artelan erreminta da Gorka Larcanentzat. Artista bisualak dioenez, Euskal Herrian orrazkerari garrantzia handia ematen diogu. Diseinu grafikoan hasi zuen bere ibilbidea eta orain ile-estilista da. "Haizkora" proiektuan ilea eskultura bezala erabili du.

Ordiziak hartuko du Euskal Eskola Publikoaren Jaia ekainaren 2an. Aukeratutako leloa 'Publikoa aI do!' da, hau da, 'publikoa ari du' euskara batuan, Ordiziako Eskola Publikoaren balioak eta indarguneak transmititzeko asmoarekin.

Eva Ferreirak gogorarazi duenez, EHUk Gazako hondamendi humanitarioaren aurrean Palestinaren alde egindako manifestua "Estatuko zorrotzena izan da". Manifestu horretan, Gazako gerra gaitzesten ez duten uibertsitateekin harremanak etetea erabaki zen, besteak beste, israeldarrekin.

Gernikako Segundo Olaeta Musika Eskolak eskola jazarpenaren aurka proiektu didaktikoa landu du 'Kausa bat, kantu bat' ekimenaren barruan. Gaiari buelta eman, eta bizitza beste modu batean heltzea posible badela gogoratu nahi izan diote erasotzaileari.

Jakes Txapartegi Hondarribiko gaztea itsua da, baina hori ez da oztopo bere pasioari ekiteko: pianoa jotzea.

Eskola Jazarpenaren aurkako Nazioarteko Egunarekin bat, bullyingak 2022-2023 ikasturtean izan zuen bilakaeraren datuak argitaratu ditu Jaurlaritzak. Sentsibilizazio, prestakuntza eta jarraipen handiagoari esker, zalantza txikienaren aurrean, kasu posible bakoitza aztertu egiten da.

Udaberri nahasi samarra izaten ari da, eta horren adierazle dugu, gaur Aralarren hartu ditugun irudi hauek. Elurra mara-mara Aralarko santutegitik gertu. Negu betean gaudela dirudi irudi hauek ikusita.

Arabako bazter guztietatik etorritako ehunka lagun Estibalizko Santutegira hurbildu dira maiatzaren 1ean, Arabako zaindariaren eguna ospatzeko.

Tanatopraktiko eta baltsamatzaile profesionala da Bittor Gonzalez. Dioenez, Usurbilko Gonzalez Ehorztetxean gauez alertan egoten dira, eta dei bat jasotzen badute korrika ateratzen dira. Bere lanaren nondik norakoak kontatu dizkigu Euskal Herriko goreneko tanatopraktiko bakarrak.

Udalak ekimen bat jarri du abian udal parke eta lorategietatik kendutako loreei bigarren bizitza bat emateko. Ostegunean eta ostiralean landareak eta erraboilak banatuko dituzte berriro.

Itxas txakurrak aste batzuk daramatza Bizkaiko kostaldeko hainbat herri "bisitatzen", hala nola Elantxobe, Mundaka, Armintza eta Bermeo. Dagoeneko erakargarri turistiko bihurtu da, baina agintariek gogorarazten dute animalia basatia dela eta ez dela asko hurbildu behar bertara.

Foruzaingoak 83 urteko gizona igandean atxilotu zuen, ustez 55 urteko semea tiroz hil ostean. Gizonak azaldu duenez, semeak labanaz eraso zion eta bere burua defendatzeko tiro egin zion.