2024/05/02

Datozen orduetan ezegonkortasuna egongo da. Nahiz eta ostarte zabalak eta giro lasaia izan zenbait momentutan, oraindik ekaitzak garatuko dira eta nonahi bota ditzake zaparradak. Zenbait tokitan gainera mardul samarrak izan daitezke eta ez da baztertzen txingorra egitea. Lurraldetik era irregularrean banatuko dira eta toki askotan ateri eutsiko dio gainerako orduetan. Mendebal eta ipar-mendebaldeko haizea Araban indartsu ibiliko da, hala ere egunaren bukaeran baretu eta aldakor geratuko da.

Tenperatura:

• Bilbao: 8/16 ºC
• Donostia:6/15ºC
• Gasteiz:1/15 ºC
• Iruña:3/16 ºC

2024/05/03

Giro nahiko atsegina izango dugu ostiralean eta eguna giro eguzkitsuarekin eta lainogune batzuekin hasiko dugu; orduek aurrera egin ahala, ordea, hodeiak ugarituz joango dira, erdi mailako hodeiak eta goi-hodeiak gailenduko direlarik. Arratsaldean zerua nahiko estalita egongo da eta egunaren amaieran euri egin dezake; euri txikia izango da. Hego-haizeak beste bultzadatxo bat emango dio tenperaturari, eta beroenak 18-20 ºC artera irits daitezke, batez ere iparraldean.

Tenperatura:

• Bilbao: 9/20 ºC
• Donostia:8/19ºC
• Gasteiz:3/17 ºC
• Iruña:4/19 ºC

2024/05/04

Larunbatean epeltzera egingo du, baina, aldi berean, giroa goibela izango da eta euria egingo du. Ia egun osoan zerua nahiko estalita agertuko da eta tarteka euri txikia egingo du. Hego-mendebaldeko haizearen eraginez, tenperatura nahiko suabea izango da; maximoak beste koska bat igoko dira eta minimoek nabarmen egingo dute gora.

Tenperatura:

• Bilbao: 13/23 ºC
• Donostia:12/22ºC
• Gasteiz:9/19 ºC
• Iruña:10/20 ºC