Katalunia

Espainiako Gobernuko presidenteak indultuak eta aministia legea defendatu ditu Katalunian berriro "elkartzea eta bizikidetza" lortzeko erraminta gisa, eta oposizioari "suntsitzailea" eta "haserrekorra" izatea leporatu dio.

Oriol Junqueras ERCko buruak ziurtatu du alderdiaren buru izaten jarraitu nahi duela "militantziaren berme esplizitua eta berritua" badu. ERCko presidente izateko indarra duela adierazi du eta orain entzute aktiboko prozesu bat hasi nahi duela.

Garraio eta Mugikortasun Iraunkorreko ministroak M-12an 'Rodalies' zerbitzuak jasandako matxuren inguruan hitz egin du. Nabarmendu du ezin duela esan sabotajea izan zenik, baina ezta baztertu ere (adierazpenak gaztelaniaz).

Nuria Parlon PSCko bozeramaileak aurreratu duenez, alderdi politiko guztiekin hitz egingo dute, Vox eta Aliança Catalana salbu, Salvador Illa buru duen "gehiengo egonkorra" osatzen saiatzeko.

Generalitateko jarduneko presidenteak iragarri duenez, ez du diputatu akta jasoko, eta alderdiarekin eta Kataluniarekin duen erantzukizunagatik erabaki du politikaren lehen lerroa uztea.

Jon Iñarritu EH Bilduko diputatuak azpimarratu du Kataluniako gizartearen aniztasuna agerian utzi dutela hauteskundeek. Esan duenez, prozesu independentista martxan dagoela erakusten duten "arrazoi guztiak mahai gainean jarraitzen dute", Salvador Illak PSCko hautagaiak kontrako esan bazuen ere.

Aliança Catalanek, Silvia Orriols Ripolleko alkateak bultzatutako alderdiak, lehen aldiz lortu du Kataluniako Parlamentuan sartzea, 2 diputaturekin. Orriolsek adierazi du bere alderdiak ez diola uko egingo indepentziari.

Jessica Albiachek adierazi duenez, ez da espero zuten emaitza, baina "posible da ezkerreko aro bat irekitzea" Katalunian, eta hori posible egiteko deia egin die beste alderdiei.

Salvador Illak iragarri du bere gain hartzen duela Kataluniarako aro berri baten buru izateko ardura. "Katalanak batzeko asmoarekin egingo dut", nabarmendu du hautagai sozialistak.

Puigdemontek agerraldia egin du Juntsek Argeles-sur-Merren duen egoitzan, eta eskua luzatu dio ERCri "zubiak berregiteko" eta mugimendu independentistaren "batasun ezaren" inguruan hausnartzeko.

Pere Aragonesek onartu du ERCren emaitzak "oso txarrak" izan direla. "Ezin izan ditugu azken hauteskundeetako emaitzak irauli", gaineratu du ERCko hautagaiak.

Voxen hautagaiak eskuineko alderdiak izan duen igoera nabarmendu du. Kataluniako parlamentuan 11 ordezkari izango ditu Voxek.

Alejandro Fernandezek onartu du azken urteak ez direla errazak izan Kataluniako PPrentzat. "Horrelako gau bat merezi genuen", gaineratu du hautagai popularrak.

Laia Estrada hautagaiak onartu du CUPek lortutako emaitzak ez direla onak. "Emaitzak ez dira onak CUPentzat bakarrik, herrialde osoarentzat baizik. Hau galga bat da helburu sozial eta nazional guztientzat ", adierazi du Estradak.

Carlos Carrizosa, Ciudadanos alderdiko hautagaiak, kataluniar guztiak hauteskundeetan parte-hartzera gonbidatu ditu. "Kataluniako prozesua" gainditzeko deia ere egin du.

Generalitatearen datuen arabera, 13:00ak arte 1.469.681 herritarrek eman dute botoa; duela hiru urteko hauteskunde autonomikoetan, berriz, 1.222.503 izan ziren.

"Gure esku dagoen guztia egin dugu ahalik eta ondoen azaltzeko, klase politikoarekin haserre dagoen herrialde bati itxaropena helarazteko eta ezker independentistak mobilizatzeko, inor etxean gera ez dadin", adierazi du CUPeko zerrendaburuak.

Kobre lapurreta batek gaintentsioa eragin du Montcada Bifurcacioko tren azpiegituretan, eta Rodalieseko zerbitzuari eragin dio. Alderdi politikoak beldur dira ez ote duen eraginik izango Kataluniako hauteskundeetako parte-hartzean.

"Euren benetako kezkak" aintzat hartzen ez dituzten politikariengatik "abandonatuta sentitzen diren" herritarrak boza ematera animatu ditu Ignacio Garriga Voxeko presidentegaiak.

Alejandro Fernandez, Generalitateko presidente izateko PPren hautagaiak, parte-hartze handia espero du igande honetako hauteskundeetan, baita herritarrek botoa "pozez eta itxaropenez" ematea ere.